Player Profiles

Kooxda Kubada Gacanta Ee Dahab Shiil

 

NBA News

  • Report: Richard Jefferson signing with Nuggets Denver to waive Jameer Nelson

    Read more...
  • MEMPHIS, Tenn. (AP) -- The Memphis Grizzlies have waived a pair of 2016 draft picks, including first-round selection Wade Baldwin IV, in finalizing their roster for the regular season.

    Read more...
  • Kemba Walker: Michael Jordan lets us ask him anything; other observations Observations ▪ The Charlotte Hornets will be the only team among 30 in the NBA this season to wear a Jordan Brand logo (obviously connected to owner Michael Jordan). Said point guard Kemba Walker, who wears Jordan Brand shoes, “Everyone loves[…]

    Read more...
  • SVG maintains Pistons lineup suspense ahead of opener Auburn Hills — It's not a trade secret, but Pistons coach Stan Van Gundy isn't ready to unveil his starting lineup and core rotation. At least not yet. After going through an injury-riddled, five-game preseason without seeing his projected starting lineup[…]

    Read more...
  • The NBA's war with Trump continues: Spurs Coach Popovich calls the president a 'soulless coward' President Donald Trump is a "soulless coward," San Antonio Spurs Coach Gregg Popovich told The Nation. Popovich, a vocal critic of the president, called a reporter at the progressive magazine after Trump falsely claimed that President Barack Obama didn't call[…]

    Read more...

Other sports news

  • Hamsik not worried by Maradona record ahead of Man City clash The Slovakian will not be concerned about his club's scoring record as he leads the best Napoli side he has ever played in against Man City

    Read more...
  • Premier League fixtures & results: TV schedule, live stream & guide to Week 8 Goal keeps you up to date with the latest results from England's top division, as well as the upcoming fixtures and the current standings

    Read more...
  • Is Tata Martino the right man to coach U.S.? Atlanta United players think so Atlanta United's coach has been mentioned as a candidate for the U.S. national team position, and his current players believe he could do the job

    Read more...
  • Chelsea lost their title in the summer transfer window, says Chris Sutton The former striker feels like glory in the Premier League isn't going to happen and believes the problem is the size of the squad

    Read more...
  • Leicester City 1 West Brom 1: Mahrez cancels out Chadli magic Leicester City snatched a draw against West Brom thanks to Riyad Mahrez's first goal of the season.

    Read more...

Maxay Somaliland U Yeelan Weyday Xul Qaran Oo Kubada Cagta Ah? – Xulkii Faysal Dheere Iyo Sababihii Burburka

Iyadoo Wadan kasta laga ciyaaro ciyaaraha kala duwan ee Caalamka , oo walibana Wadan kasta leeyahay Xul Qaran oo u ciyaara ama u tartama Ciyaaraha kala duwan ee la ciyaaro, ayaa waxa xusid mudan in Jamhuuriyadda Somaliland oo wali Beesha Caalamka ka helin aqoonsi caalamiya in ilaa haddana aanay lahayn wax Xul Qaran ah oo u ciyaara.

 

Inagoo og in Ciyaaraha kala duwan ee Somaliland maraaxil kala duwan ay soo mareen, isla markaana wax tartan caalamiya oo ay si toos ah uga qayb gashay aanay jirin marka laga reebo Tartanka Orodka ama Ciyaaraha fudud ee Jabuuti ka dhaca sannad walba oo sannadihii ugu dambaysay ka qayb gashay, Tartan dhinaca Orodka ah oo isna ka dhacay Itoobiya, Tartan Kubada Kolayga ah oo ka dhacay Uganda, oo ay kaga qayb gashay magaca Caasimadda Somaliland iyo Tartankii ugu dambeeyey ee ahaa Tartanka Koobka Wadamada aan la aqoonsan oo afar Ciyaaryahan ka tageen dalka, halka Ciyaaryahanada kale oo ahaa qurbo joog ay ka tageen  dalka Ingiriiska,waxaana xusid mudan in tartankaas ay diideen Masuuliyiinta Wasaaradda Ciyaaraha oo ku sheegay in Tartankani aan loo qabanayn dalal la meeqaam ah Somaliland, oo sida ay Somaliland madax banaanida u doonayso aan u doonayn.

Wasiirkii hore ee Wasaaradda Ciyaaraha Cabdi Siciid Faahiye, oo markii uu dhammaaday Tartankii koobka Gobolada Somaliland ee ka dhacay Burco,  ku dhawaaqay Xul Qaranka Kubada Cagta Somaliland, oo uu ka soo xulay Ciyaaryahanadii wakhtigaas ugu fiicnaa tartankii Koobka Gobolada, Tababarena uga dhigay Fu’aad Dhabo, ayaanu wax ka weydiinay halka uu ku dambeeyey Xulkii uu isagu sameeyey, sababta keentay inuu sameeyo iyo sida uu u arko in dalka yeesho Xul Qaran, waxaanu yidhi “Markii Tartankii Ciyaaraha ee Burco dhammaaday, ayaan go’aansaday kuna fikiray in Xul Qaran dalka u sameeyo, waxaanu soo xulnay Ciyaaryahanadii ugu fiicna uguna tayada wanaagsanaa tartankaas, oo aanu ka soo xulnay dhammaan Gobolada dalka, si cadaalada ayaanu u soo xulnay, waxaana Tababare uga dhigay Fu’aad Dhabo, oo ka mid ahaa Ciyaaryhahanadii hore ee dalka ugu fiicnaa, markii aan xilka wareejinayeyna waan ku daray, sidaas oo ay tahay meel ay ku dambeeyeen Ciyaaryahanada Xulka Somaliland ee aan anigu sameeyey garan maayo, waxaana run ah in Ciyaaryahanadii qaar dhoofeen, qaar tahriibeen, qaar cusladeen, qaar guursadeen, qaarna gabi ahaanba ciyaarihii ka fadhiisteen, laakiin dalka ka maarmi maayo Xul Qaran oo u ciyaaro, ee waxa laga doonayaa Xukuumadda inay la timaado qorsho  ay ku sameeyso Xul Qaran, waxaana dabcan dalka joogo Ciyaaryahano aad u badan oo da’ yar oo tayo ahaana fiican, waxaana xaqiiqo ah haddii Xul Qaran la helo inay Ictiraafka Somaliland qayb ka noqon lahaayeen”.

Dhanka kale Tababare Faysal Muuse Ildab (Faysal Dheere), oo ah Tababaraha kooxda Kubada Cagta heerka kowaad ee Asluubta, muddo aad u dheerna ku soo jiray Ciyaaraha ayaa isna dhankiisa ka hadlay sida uu  u arko in dalku yeesho Xul Qaran, qaabka lagu soo xulay iyo faa’iidada uu dalka u leeyahay waxaanu yidhi “Waa daruuri in dalkeenu uu yeesho Xul Qaran, waxaana jirtay inuu Cabdi Siciid Faahiye oo Wasiir ka ahaa Wasaaradda Ciyaaruhu inuu mar sameeyey Xul Qaran, laakiin xulkaasi muu taabo qaadin, balse haddii aynu doonayno inaynu Xul Qaran sameeyno, marka hore waxa muhiim ah dhnacyo badan wax laga eego, oo waxyaabo badan la qiimeeyo, ugu horeyna waa in la dhisaa kooxaha kubada cagta, waa in la qabtaa Horyaalo joogto ah, oo kooxdii ku guulaysta Horyaalkaas, laga soo xulaa Ciyaaryahanada Xulka badh ka mid ah, inta kalena waa in laga soo xulaa kooxaha kala ee dalka, tusaale ahaan waxayna ka war qabnaa in Horyaalada Yurub, kooxaha ka dhisani ay yihiin kooxo awood badan, oo ka dhisan Magaalooyinka ama Gobolada, tusaale ahaan haddii aynu soo qaadano Horyaalka Ingiriiska kooxaha Chelsea, Tottenham iyo Arsenal waa isku magaalo oo London bay ka wada dhisan yihiin, Manchester United iyo Manchester City, midina waxay ku ciyaarta magaca Caasimadda, midina magaca Gobolka,  dhanka kale haddii aynu soo qaadano Ciyaaraha Somaliya, Magaalada Muqdisho ayey ka dhisan yihiin dhammaan Kooxihii oo dhammaantood halkaas ayaa la iskugu wada keenay, markaas haddii inagu aynu doonayno inaynu Xul Qaran yeelano marka hore waa inaynu dhisnaa Ciyaaraha dalkeena, waa inaynu dhisnaa Ciyaaryahanada iyo kooxaha, oo kharash badanba ha  ku baxee si ciyaaraheena sare loogu qaado waa in Magaalada Burco yeelata laba kooxood, Magaalada Ceerigaabo, koox, Laascanood Koox, Berberi koox, Boorama Koox, Gabiley Koox, Hargeysana ugu yaraan yeelata lix ilaa afar kooxood, markaasna Tartan Horyaal loo qabtaa, oo Kooxaha ugu wanaagsan laga soo dhex xulaa Ciyaaryahanada Xulka Qaranka, anaguna mar walba waxaanu jecel nahay in Ciyaaraha dalkeenu hagaagan, oo lagu soo hirto”.

Xoghayihii hore ee Xidhiidhka Kubada Cagta Somaliland Sacad Maxamed Shire, Ciyaaryahanadii hore ee dalkana ahaa, haddana ka tirsan bahda Ciyaaraha, ayaa isna wuxuu ka hadlay inuu dalku yeelan karo xul qaran iyo waxa ka hor taagan, waxaanu yidhi “Xul Qaran weynu yeelan karnaa, balse waxa inaga hor taagan waxyaabo badan oo uu ugu horeeyo Ictiraafku, haddii aynu Xul sameeysano, aad bay u adag tahay Xul kale oo wadankiisa la aqoonsan yahay inuu inala ciyaaro, laakiin weynu sameeysan karnaa”.

Guddoomiyihii hore ee Olombikada Qaranka Maxamed Yuusuf Maxamuud (Cirro), ayaa isna wuxuu tilmamay inuu dalku yeelan karo Xul Qaran, waxaanu tilmaamay cida awooda u leh inay sameeyso Xul Qaran, “Haddii Xidhiidhada Ciyaaruhu dedaal xoogan sameeyaan, oo tartano joogta ah sameeyaan, si yar oo fudud ayeynu ku yeelan karnaa Xul Qaran,haddii aynu yeelano Xul Qarana markaas waa in awooda la saara sidii loo dhisi lahaa Ciyaaryahanada Xulka Somaliland, kadibna waa in Wadamada aynu jaarka nahay laga codsadaa inay inala ciyaaran, haddii ay inala ciyaarana fursad ayey inoo tahay, oo magac baynu ka helaynaa”.

 

Guddoomiyihii hore ee Olombikada Qaranka Maxamed Yuusuf Maxamuud (Cirro), ayaa mar uu ka hadlaayey wakhtigii uu ahaa Guddoomiyaha Olomibkada Qaranka ayaa yidhi “Anigu markii aan ahaa Guddoomiyaha Olombikada, waxaanu xidhiidh la sameeynay Olombikada Adduunka, gaar ahaan Guddida Farsamada, wakhtigaasna Magalada London ayuu Tartankii Olombikada Adduunku ka socday, wey noo garaabeen, balse arinka qudha ee dhibta nagu noqday waxayy ahayd Ictiraaf la’aanta, waxaana hubaal ah in Wasaaradda dedaalayso, sidii Ciyaaraha ku hagaajin lahaydna wado, ee waxaan xidhiidhada kala duwan ee ciyaaraha ku dhiirigelinaya inay iyana dhankooda ka dedaalan”.

Share
606081